Hamid Ngadi

******

سير دير ليك اوا شي تاويل
باراكا عليك من سهير الليل
والركاد حتی لفجر ا لخليل
الدكۃ والفايس وشلا مواويل

النهار ناعس ما جايب خبار
كيف تفيق النكير والتخصار
ولادك مخلوعين يا ستار
مراتك يحسن عونها فالدار

راجع نفسك كون اخويا راجل فحل
عري علی كتافك خدم قبل ماتحصل
الطريق طويله شحال تابعك من عمل
بني راسك بيدك.علی الناس ماتعول

فيق قبل الضيق راجع الحساب
كون كيف السبع وسط الغاب
دير ليك مقام زوين بين لحباب
بدل الحال بدل العتبۃ وحتی الباب
الوردۃ زينۃ وخا شوكها فيه لعذاب
حميد النكادي31/01/2018