Malika El Idrissi

******

هاك شد
خود
اربح
خود كولشي
ياك الى مت ماندي والو
ياك حتى سميتي نخليها ليك
ياك ف قبر خاوي غاترميوني
ياك ما غايبقى مني والو
====================
خلي لي غير حروفي
ندوي بها مع راسي
نخرج بها لي بقى من كلامي
ياك حرفي هو راس مالي
دواية وقلم يكفيوني
خليني نعيش لي بقالي
====================
خود كولشي
حتى كفني
سمحت ليك فيه
الى كفاك
تغطا به
عطيني ضحكتي
عطيني راحتي
نعيش ايامات
نشوف الربيع
نشوف اللوان
عييت من لكحل
هاك خود كولشي
سر و نساني
شاعرة بوابة الاطلس
لالة مليكة الادريسي
يوم السبت 21 يناير 2017