بقلم الاستاد حميد النكادي

اجي ياوا نكول ليك
بناتنا شلا مايتكال
فرش تحت الكرمۃ
حصيره وهيدوره
وحط الصينيه نغمۃ
سمن و ثريد
وقطر لعسل
 من الشهدۃ الحره
نحكي ليك
وحكي ليا
 تحت ضو الكمره
علی دوك اليام الزينه
لي مشات ومشاو ماليهاالكرامه
صحاب الشان والهمه
فين دوك السربات
عيد العرش والرايات الحمره
وجريد النخل يزين خيام
لقبايل الوافده من كل قبله
فين ضيف الله
وفين  النيه والعاهد والكلمه
جيل جديد اصاحبي
الجار مشغول داياه الدنيا
ما يعرف جارو
ولا بيناتهوم شركو نعمه
جوامع بعد لعشا تسد البيبان
لي تقطع بيه لحبل
يبات فالخلا بردان وجيعان
لا دوا يداوي قله الايمان
العلامات بانو فرج يا رحمان
                      حميد النكادي28/01/2018