غير....... داوي
--------------------
لا تلاڭي
جوج موجات محَيْنات
وتڭول خيط لما راشي
ياك شفتي ظلْ لحيط
يرعى ف لواحشي
تڭول غير ماشي
ولّا أنايا لّي مشاشي
لا تلاڭي لملاڭي
راه عيوط لخيل
من لعين شربات
راه ديك الدّمعة
ف الجّبّانية عطشات
وريح لْعافية مْفافي
ڭالو
بلّي لڭوْلان مْعَمّر دوك لخْناشي
شحال ف ازمان
ولَبْحر تيغوّت
وودَنْ الليل ساروطَة
شحال من فرحة غابت
ولڭمرة عايمة ف ابهاها
والسّربة بنت لبارودة
كاين شي غاشي تيسوّل غاشي
كاين شي رياضيات بلا معادلة
كاين شي تواشي
مجهولة ف لمخ
ولّا لعقل مفافي
ها كتافي
مناول لمنجج
وخيط الروح امحبة مْلاڭي
لا تلاڭي
احدورة مع احدورة
راه الدّورْ الدورة
وتوّلي كلها اعڭابي
شْد لَرضْ
ؤ شم ريحتْ احياتك
افتح كتابك
وسير ف طريق لملاڭية
ؤ من انْجَمْ / انجم
لمْحَكْمة ف لحروف شمس
ولمْشابهة اطريق
راه كو ما اتزم داك لفُم
كو راه اتّفرم كاس لْما
ؤ لعطش اشْلوقْ
كولْ لْحرشة
وامسح فُمّك بعرض النّاس
ؤ صياد لفهامة
ديما يلڭاها يلڭاها
وراه داك الدم لّي ف لڭبضة
دم مسروق
ڭْدم على ڭدم
تيَهْدمْ
التّيساع مع لمراية
وراه يمكن تشوف صورتك ف الضاية
التّمرة يلا طابتْ
تَتْحُط بين رجليك
ويلا غابت.... لڭمرة
تَيَتْبرّع اظلام
باش هاد لحُڭرة مْعَنْيَة؟
وَوْجه انهار مامْكرّطش
عينو ديما حمرة
ولَرض تاتّنكل بلا غسيل
لْبَسْملة اسبولتْ لحروف
وذاك لّي معروف
تْعطلتْ كرّوستو
ؤ ف انهار لفرحة
تبكي عروستو
ابقا فيها أريسطو
ما حنّاتْش ليه يدّو
بحال كُلْ اشهيد
عنداك تْلاڭي
ؤ عنداك تمشي بْعيد
عنداك تلاڭي لِحيتْ لقرد مع لحيتْ مولاه
راه هاد الريح قْوي
ؤ ف لحيصدة ماشي
وراه بزّاااااف ديالْ لغاشي
تيلعبو اتواشي
واشْتا ديما تاتْصُبْ
ولْمْا مع مَا يْلاڭي
ؤ الشجرة ديما خضرة
ويلا يْبس عُرشَكْ
سوّل تْرابك
على ساروت اطريق
ؤ ف قرابك
تلْقى لْبابْ
لا تلاڭي لملاڭي
ؤ حُل لقفلْ
تشوف انجوم اهْدِيّة
اتشوفك / ف انعاسك اطفل
واخّا تجْفلْ
لقلم مهزوز عليك ..
البوهوالي :2018.01.26.
--------------------
لا تلاڭي
جوج موجات محَيْنات
وتڭول خيط لما راشي
ياك شفتي ظلْ لحيط
يرعى ف لواحشي
تڭول غير ماشي
ولّا أنايا لّي مشاشي
لا تلاڭي لملاڭي
راه عيوط لخيل
من لعين شربات
راه ديك الدّمعة
ف الجّبّانية عطشات
وريح لْعافية مْفافي
ڭالو
بلّي لڭوْلان مْعَمّر دوك لخْناشي
شحال ف ازمان
ولَبْحر تيغوّت
وودَنْ الليل ساروطَة
شحال من فرحة غابت
ولڭمرة عايمة ف ابهاها
والسّربة بنت لبارودة
كاين شي غاشي تيسوّل غاشي
كاين شي رياضيات بلا معادلة
كاين شي تواشي
مجهولة ف لمخ
ولّا لعقل مفافي
ها كتافي
مناول لمنجج
وخيط الروح امحبة مْلاڭي
لا تلاڭي
احدورة مع احدورة
راه الدّورْ الدورة
وتوّلي كلها اعڭابي
شْد لَرضْ
ؤ شم ريحتْ احياتك
افتح كتابك
وسير ف طريق لملاڭية
ؤ من انْجَمْ / انجم
لمْحَكْمة ف لحروف شمس
ولمْشابهة اطريق
راه كو ما اتزم داك لفُم
كو راه اتّفرم كاس لْما
ؤ لعطش اشْلوقْ
كولْ لْحرشة
وامسح فُمّك بعرض النّاس
ؤ صياد لفهامة
ديما يلڭاها يلڭاها
وراه داك الدم لّي ف لڭبضة
دم مسروق
ڭْدم على ڭدم
تيَهْدمْ
التّيساع مع لمراية
وراه يمكن تشوف صورتك ف الضاية
التّمرة يلا طابتْ
تَتْحُط بين رجليك
ويلا غابت.... لڭمرة
تَيَتْبرّع اظلام
باش هاد لحُڭرة مْعَنْيَة؟
وَوْجه انهار مامْكرّطش
عينو ديما حمرة
ولَرض تاتّنكل بلا غسيل
لْبَسْملة اسبولتْ لحروف
وذاك لّي معروف
تْعطلتْ كرّوستو
ؤ ف انهار لفرحة
تبكي عروستو
ابقا فيها أريسطو
ما حنّاتْش ليه يدّو
بحال كُلْ اشهيد
عنداك تْلاڭي
ؤ عنداك تمشي بْعيد
عنداك تلاڭي لِحيتْ لقرد مع لحيتْ مولاه
راه هاد الريح قْوي
ؤ ف لحيصدة ماشي
وراه بزّاااااف ديالْ لغاشي
تيلعبو اتواشي
واشْتا ديما تاتْصُبْ
ولْمْا مع مَا يْلاڭي
ؤ الشجرة ديما خضرة
ويلا يْبس عُرشَكْ
سوّل تْرابك
على ساروت اطريق
ؤ ف قرابك
تلْقى لْبابْ
لا تلاڭي لملاڭي
ؤ حُل لقفلْ
تشوف انجوم اهْدِيّة
اتشوفك / ف انعاسك اطفل
واخّا تجْفلْ
لقلم مهزوز عليك ..
البوهوالي :2018.01.26.
ليست هناك تعليقات:
إرسال تعليق