Ouafaa Chatt Jbair

***

قصيدة بعنوان
ماشي لخاطري رحلت
من غير هوايا رحلت
خليتني نغادر لمكان
نعدف ننسى
عشرة زمان
كنا احباب
ولينا عديان
الفرحة والصفا
منورة لمكان
السر كان خير
أو شر محجوب
شحال من فرصة
شحال من فرصة
شحال من فرصة
اعطيتك باش توب
هويت نرحل خليني
باركة من الذنوب
نطلب الله يرحل
خاطري وزيني
ومجاي بكري
ما عمري نسول
وعلى حبي ما تعول
ماشي لخاطري رحلت
امواجك في البر
ومواجي في البحر
على ظهري لسفينتك
حملاها أمواجي بالصبر
وانا غادية بالمهل
خفت عليك وانت
ما فكرتي في الثقل
سنين وانت عايش
و انا ناسية
راه كاين لغدر
ماشي لخاطري رحلت
خليتني نغادر قبل الوقت

.

بقلم الشاعرة وفاء الشاط اجباير
بتاريخ 25/02/2017