Raouh Hassan

***

حال ومحال

يبقى فيك الحال
ماشي حال الجدبة
ماشي حال الركزة
حال المغلوب
حال المغلوبة
ااااااااااااااااااااااا
اش من دنب دار الفقير
اش من دنب دار لتيم
اش من دنب دارت لتيمة
اش من دنب دارت الام
ااااااااااااااااااااااااا
ارملة مهمومة
مطلقه مظلومه
حقوقها مهضومه
قصتها منضومه
على كل لسان
ااااااااااااااااااااااااا
يا بني انسان
خفف ضيق الحال
اش قضات الشبعة
وغيرك جيعان
اش قضات الكسوه
وغيرك عريان
اااااااااااااااااااااااااا
محال تحس الى ما جعتي
بداك الجيعان
محال تعرف كز الليالي
الى ما عشتي عريان
محال تعرف قيمة الدرهم
الى ما مرضتي
كيف الفقير بلا علاج
ااااااااااااااااااااااااا
عايش عز ونخوه
فرق عل لوجوه البسمة
غيرك عاري كسوه
محتاج لديك اللقمة
اااااااااااااااااااااااا
بلا ما تجرب حال بحال
عطاك الله الخير
فيه حق الفقير
كون عل يقين
يتعوض بعشرة
بقلم رواح حسن