Hassan Zayri

***

من هادي شحال
راسي علي ثقال
كنت نحلم بيك
يابنت لحلال
نشوف راسي
نكتب اسميتك
عل لهلال
سقسيت على هاد
الحلمة شللى رجال
نواوني گالو لي
اقصد بنت لحلال
الزينة مولات لخال
من هادي شحال
تكويت بعشقك
ؤصار حال حوال
نبات ندور جوال
نتسارى ونقلب
عليك أ بنت لحلال
مللي شفتك
لساني ثقال
ما بقى عندي
مايتگال
قصدت دار لخوال
نويت لحلال
درت اللي
ماكنت عليه عوال
من هادي شحال
ؤهنيت راسي
من دوك لهوال
مولات الخال
بقلم حسن الزايري