شعيب صالح المدكورى

***

لَشْكَا ؤُ لَبْكَا
***
خويا لعربي مْحَرَّفْ بِ شَكْوَا
ؤُ يَكُولْ دَبَّانْ مْنِينْ جَانِي
خُوتُو هُمَا صْحْابْ لَبْلَا
ؤُ يَشْكِي مَنْ لِهُودْي وُ نَصْرَانِي
ضَارَبْ اِدُّوؤُ شْكَا
ؤُ هُمَا سْبَابْ مْحَانِي
لٍحاكمين عَايشِينْ فِ غَفْلَا
رَجْعُو هُمَا كْبَارْ عَدْيَانِي
بَارَكَ مَنْ لَبْحُوطْ ؤُ شْكَا
كَثْرَتْ كْلَامْ بْلَا مْعَانِي
مَ تَنْفَعْ مَ تْبَرِّي جَرْحَا
مَ تْبَرَّدْ حَرْگَتْ لِ كْوَانِي
لْقُدسْ مَ يَرْجَعُ بِ لَغْنَا
فِينْ شْجَاعْ غَاْبِرينْ
وَياَ لْعَرْبِي فِيقْ مِنْ لْگَلْبَا
رَاكْ مَحْسُوبْ مْعَ لْمَيتِّينْ
رْجَعْتِي حْشُومَا ؤُ ضَحْكَا
فِ عَينْ لْكَافَرْ ؤُ لْمَسَلْمِينْ
ضَاعْ مَنَكْ شَانْ ؤُ لْهَمَّا
مْعَكْ مَ بْقَينَا مْكَمْلِينْ
مَ حْنَا مَنَّكْ لَا انْتَ مَنَّا
قْبَلْ مَ نْصَبْحُو نَادْمِينْ
...
شعيب صالح المدكوري
تامسنة 07.12.2017