Nour Abouchama Hanif

***

لحْرُوفْ ... ضْرَامْ
...
الشين فْ خَدّو شَامَة شَڭّـتْ ڭلْبِي هْيَـامْ
غَرّْ أنَا مَا دَارِي كْثِيرْ فْ بَابْ لغْـــــرَامْ
...
رِيمْ ، ؤُ كلْ شُوفَة منْ حْداقْ لْغَسْقَــــاتْ
نْصَالْ بَتّارَة ، غَارَة فْ قْرُوحْ لْمَسْتْهَـامْ
...
اللّامْ لْمى ، عْسلْ فْ رْشَافْ الصّهْبَــــا
رْضَابْ لمْلِيحَة سَالْ ، كَانْ سِيدْ لكْــلَامْ
...
لْقَافْ قَدْ رَاشَقْ ، ؤُ لْخَطْوَة غُنّايَــــــاتْ
عُودْ لقْمَارِي نَفْحَة ، تْمِيسُو رِيحْ لنْسَـامْ
...
لْعَينْ جْفَن يغَـــازلْ جْفَنْ ، ؤُ لحْيَا كْحُلْ
الرّْمُوشْ سْيُوفْ ذَبّاحَة ، لحْشَا سْقَــــامْ
...
هَا لْكافْ ؤُ هَا الرّا ، كسْـــــدَة وْ رُوحْ
شْكونْ يِبَلّْ جُوفِي وْالرّوحْ كُلْهَا ضْرَامْ
...
نون . حاء