محمد البراقي الحسناوي

***

(السلف تلف )9/12/2018
عصير علي اعصرتي
والله مقفلتي لافورتي
ايه السي علي قلبتي
مانسلفك ماتسلفني
اليد لتمدت ليك عضتي
ماهنا قاعدة من تركتك ورثي
الصحبة اغدرتي
أفعايلك انسيتي
نصيحة ليك فوتني
شوف المراية اكشفتي
اتبعت الدرهم
على والو اتبهدلتي
لبغا العز يقلب عليه
لكره الويل يبعد عليه
ماهي ليك ولا ليه
لبغا لبگر يطلي زبلو
الناس هدا مثل تيگولو
لمعندو هم اتولدو ليه احمارتو
رزقك لامدتيه
بيدك اعطيتيه
ملي تحتاجيه برجلك تبعيه
السلف
تلف
ابنادم كيخرف
على الدين اتلف
همو يكون في جيبو الصرف
اضربت كف على كف
احلفت مانسلف
مانتسلف اهرف علي اهرف..بقلمي محمدالبراقي الحسناوي