******
........المعمورة......
المعمورة غابة
وسلا تجاورت معاها....
اشجارها خضرة خلابة
وبلوطتها يا محلاها....
للخير ديما جلابة
وشحال لطفت هواها...
الناس لعوادها حطابة
وهمومك فيها تنساها...
فلينها منتوج و صابة
والبكمة فيها تكمل غذاها...
ارنب ووحوش تما لعابة
ف سحيلة وعقبة ووطاها...
الفراخ تدخلها سرابة
ومن الضاية يكون رواها...
تزقزق وبغناها طرابة
تمعن و تصنت للغاها....
مالها ولات بالقطيع مجرابة
والشاقور سباب خلاها....
الناس ولات ليها عذابة
كي يابسة كي خضرة حداها....
آش هذا يا بابا
زرعتي وجيلي سباب بلاها....
بويا خدمها ورواتها السحابة
وانت طفي نارك إياك من جلاها....
وسلا تجاورت معاها....
اشجارها خضرة خلابة
وبلوطتها يا محلاها....
للخير ديما جلابة
وشحال لطفت هواها...
الناس لعوادها حطابة
وهمومك فيها تنساها...
فلينها منتوج و صابة
والبكمة فيها تكمل غذاها...
ارنب ووحوش تما لعابة
ف سحيلة وعقبة ووطاها...
الفراخ تدخلها سرابة
ومن الضاية يكون رواها...
تزقزق وبغناها طرابة
تمعن و تصنت للغاها....
مالها ولات بالقطيع مجرابة
والشاقور سباب خلاها....
الناس ولات ليها عذابة
كي يابسة كي خضرة حداها....
آش هذا يا بابا
زرعتي وجيلي سباب بلاها....
بويا خدمها ورواتها السحابة
وانت طفي نارك إياك من جلاها....
...........أحمد الناصري........
ليست هناك تعليقات:
إرسال تعليق