ياخسارة

......... ياخسارة......
   ياخسارة..
   لا غيرة بقات
    لا دم يفور
   نقولها بلا نفاق
   وبلا حزاره
   اشحال من مشكور
   مكعور.
   قلدنا يهود ونصارى
   تعرينا بلا بحور
   ف زمان الحضارة
   هما تقدمو
   وحنا رجعنا اللور
   اش هاذ القذارة
   اش هاذ المنكر المشهور
   الوردة اللي كانت
   مفتحة مسراره
   اذبالت وفضحت المستور
   جارة تقلد ف جارة
   من وراهم الهم مجرور
   شوف اﻷيام
   اشحال بدالة
   وشوف الزمان
   كيف كيدور
   والينا اللي مايتوالى
   واصبحنا عبد المأمور
   ف زمان خرصو الرجالة
   تباح الممنوع المحظور
   اشحال من جردة
   تحولت ل زبالة
   وشحال من موكة
   قلدت  شحرور
  القرع ركب غوفالة
   ولعمى بلحق ف النور
   ويلي واش هاذ الحالة
   تغتال الحيا مات مغدور.

......بقلمي محمد بلحاج المحاجر....28/02 18.