عيبك مغيارة
***************
** الزين . . . زينة ! ! !
و لمحنة . . . حنينة ! ! !
و حكايتنا عشرة
بيها فرحنا و رضينا
** ياك عارفة
انتي اللي هويت
و ف حياتي
انتي اللي بغيت
حتى شاع
خبري ف كل بيت
** لكن يا خسارة !
يا خسارة فيك عيب
عيبك مغيارة
و الغيرة مجيحاني
بيك نراري يا مسرارة
و انتي بالشك هالكاني
شاد ولفك بحزارة
و بكلام العديان طاعناني
** و اليوم انا عييت
عييت
بغيت نزيد نصبر
ما فادني صبر
لغرام فاش فنيت
صار ف كلبيg جمر
غير لحزان اللي جنيت
و الهم ف دواخلي كبر
وخا بيك ما سخيت !
وخا بيك ما سخيت
نويت ندير نقطة
و نرجع للسطر ! ! !
***************
نورالدين حدوشي
***************
ليست هناك تعليقات:
إرسال تعليق