لا تلوموني يا لحباب

لحسن بوعاد

******

لا تلوموني يا لحباب

لا تلوموني يا لحباب
قلبي بنار الحب تحرق ؤ داب
كل يوم عايش لعداب
ما ينفع لا طبيب ولا عشاب
يعرف دواية و الاسباب
ولا طالب بدواية و قلم
علي يقرا يكتب ؤ يعزم
والقلب معدب ؤ مألم
لسرو ما قادر يكثم
هد الحب ما كان في البال
بنظرة عندي تغير الحال
كل يوم نظل نسال
وليلي بالتخمام طوال
موحال نتغير موحال
لا تلوموني يا لحباب
هد الحب علي مكتاب
ليه ما حسبت حساب
دق وفتح ليه الباب
حرام عليك يا الايم حرام
علاش يا ناس نتلام
والقلب ملكو سكنو لغرام

الشاعر الغنائي
لحسن بوعاد