طَهَ عنْوانْ الزّينْ

Nour Abouchama Hanif

*****

بدون مناسبة لأنّه سيد المناسبات
" طَهَ عنْوانْ الزّينْ "
...
فْ غَيْبكْ ، تْعرّى شْعاعْنَا يا طَـــهَ
ؤُ تُوبْ الدّلّْ ، لْبسْنَا و لْبسْنــــــــاهْ
...
كِيفْ ضَيْ لْـڭمْرَة يِسْنَى بْلا سْنـاكْ
ؤُ كِيفْ عزْنَا خَاوِي ، يلْقَى معْنــاهْ
...
طَيرْنا فْرَدْ جْناحُو علْ لعْــــــــــرَا
خُوفُو ملْ لْعلّالِي فْ التْــرابْ دَلّاهْ
...
دلْنَا دْلُو مْدلّي فْ الطّينْ بْلا مَـــــا
سْقَانَا خْرَافَة ، مَانَا شْكونْ عـــرّاهْ
...
عْذِيبْنا زْلالْ إِيلا كَفّكْ رْوَاتْنَـــــــا
وْ شْرَابْنا حْلالْ عنْوانُـــو بسْم الله
...
سْنُونكْ شْمُوسْ طْرِيقْنا بْـلا شْوارْ
فْنُونكْ هْمُوسْ غُــــــرّة فِي لَجْبَاهْ
...
منْ بْهاكْ لْوجْنَة شافَـــــتْ لْوَرْدَة
لحْيَا فِيكْ سِيمَة خُوفكْ رَبّي رَبّـاهْ
...
صلّى اللهُ عْلِيكْ يَا جامـــعْ الزّينْ
و الشْكُرْ لّي شْدَا حَرفْنا وْ غَنّـاهْ
...
نون حاء