يالهايم مدوخك التيلفون
والكلمة عندك مجلية
المهنة يا حسرة بدون
والعين سعداتك حجلية
سولتك عليك الناس ماعرفتكش فين تكون
قالو عليك مدوخاك مولات السبنية
ديما تابع الكونكسيون
وخا تكون ف المطفية
عايش ف اوهامك فيها مسجون
النفس تابعة النشاط زهوانية
ف بهاها مسكين مرهون
رمانة غامضة وعلى من مطوية
تاتة تتسيف بألف لون
بالكذوب نفسها مكسية
يا التايه ف دروب الآفيون
تابع ديك الفايسبوكية
بإسم وهمي داخل مخزون
تبارك الله على ولد العياشية
جيم يضرب منها مليون
معا صحابو يطلق السلوكية
كلامو خاوي بلا مضمون
راه الفرق عظيم بين العربية والشباكية
يظل ف البحر لزرق مفتون
باغي يصيد شي شابلية
تيطلع ليه غير القمرون
الكصبة مهرسة والصنارة مرمية
ياسيدي مالك والتليفون والكونيكسيون
مال نفسك بالكذوب مطلية
هشام بريطل
والكلمة عندك مجلية
المهنة يا حسرة بدون
والعين سعداتك حجلية
سولتك عليك الناس ماعرفتكش فين تكون
قالو عليك مدوخاك مولات السبنية
ديما تابع الكونكسيون
وخا تكون ف المطفية
عايش ف اوهامك فيها مسجون
النفس تابعة النشاط زهوانية
ف بهاها مسكين مرهون
رمانة غامضة وعلى من مطوية
تاتة تتسيف بألف لون
بالكذوب نفسها مكسية
يا التايه ف دروب الآفيون
تابع ديك الفايسبوكية
بإسم وهمي داخل مخزون
تبارك الله على ولد العياشية
جيم يضرب منها مليون
معا صحابو يطلق السلوكية
كلامو خاوي بلا مضمون
راه الفرق عظيم بين العربية والشباكية
يظل ف البحر لزرق مفتون
باغي يصيد شي شابلية
تيطلع ليه غير القمرون
الكصبة مهرسة والصنارة مرمية
ياسيدي مالك والتليفون والكونيكسيون
مال نفسك بالكذوب مطلية
هشام بريطل
ليست هناك تعليقات:
إرسال تعليق