الزين غواني
**********
لمن نشكي فراق محبوبي
و الناس ف غرامو لايمني
علاه أنا خرجت من ثوبي
ياك الزين اللي غواني
صابني بسهامو يا مكتوبي
كانت شوفة سباب محاني
**********
عذروني ! ! !
عذروني لا تقويو عجوبي
لا تحاكموني حكم الجاني
ظنيتها للفرح غنة
معاها يرقص وجداني
حسبتها للعمر جنة
بيها نسعد ف زماني
كلتg :
فالي ورد و حنة
و الحظ اليوم جزاني
**********
لكن يااااا وعدي
يا وعدي طاح سعدي ف واد
و ضاع معاه كل ما رجيت
من هويتو هجرني و زاد
و نا ! و الله بيه ما سخيت
ما حن ما رحم ليا كباد
شنو ذنبي يا ربي فما جنيت
الحب اللي نويت بيه نسعاد
جار موجو . . جلاني و مشيت
إلا كان لغرام من لبدو عناد
نهايتو صدود و حزان . . .
و حديث كل بيت ! ! !
**********
نورالدين حدوشي
ليست هناك تعليقات:
إرسال تعليق