Nour Abouchama Hanif 

******

...لْسَانِي مُوجَة
...
اللّي تْسرّبْ رَشّاتْ
منْ بْياضْ لْمُوجَة
شَدّوا الرْمَلْ فْ جُوفُو 
...
شَاهْدة نْتِي يَا عوجَة
عْلَى نَقشْ الرّوحْ
ؤُ الرّوحْ وْصَايَا صامْتَة
لْوَاحْ قْدِيمَة
رْسُومْ عْدِيمَة
وْ طْلَالْ رْدِيمَة
تحْكِي خُوفْ بْنَادمْ
منْ خْيَالْ خُوفُو
...
شْكْونْ شَافْ عْمَاقُو
يْغَنِّيهَا ، يرْوِيهَا
إِيلَا غَنّاهَا
هَادَاكْ بْدُو جْلِيلْ
ؤُ لبْدُو مشْوَارْ طْوِيلْ
طْرِيقُو حَجْرَاتْ
الرّيحْ تعْرَفْ صْرُوفُو
...
هَدَهْدِينِي يَا دَنْيَا
رَارِي بْ ظْرُوفِي
إيلَا كانْ لْسَانكْ فْصِيحْ
لْسَانِي ، يمْشِي و يِطِيحْ
اللهْ وَحْدُو
عَالمْ بْ ظْرُوفُو
...
نون حاء