لمدينة
على حالها تحكي وناسها تبكي
كانت تتبهى بِنْقَى ولهنا
سميتها رمز و معنى
بِزينها لحروف تتغنى
بوصفها يتعنى
كانت في كل حي ودرب
للمة شورية
من راس تراس نية
قلوب سخية
ليد ع ليد تبرد لكية
ليوم تخَزَات ما بقات مزية
قطعات للولفية وأيامها خطية
تعيش فيها تحماق
نفس فيها تضياق
ما فيها ما تشتاق
إغرك ديكور وزواق
حتى لمحبة نفاق
طريق حفاري شق
للشجر قطعوا لعرق
اطيح شتا اتعرى لمستور
طرقان بحور
ابنادم ادور محصور
عادة خلاتنا للور للور
كثرات لحيوط ،ونظرة سجينة
في دروب اتحس بغبينة
الزبل في كل ركينة
فين ما سرحت عينك روينة
أُتقول كُدية زوينة
في كل زنقة ما تشوف أنقى
لوقار بين ناس ما بقى
غير الدوخة لِتَلْقى
لبسات لعقول درابيل لحمقى
اتلف لعقل في كل درب
إحَيَّح ،إجرح ويضرب
لقوي ع لضعيف يغلب
اخرج عينيه و ينهب
في لبحر تشوف لعجب
الرمل ، احجر وحطب
كل من زار يتعطب
الميكا في لعلالي
اتغطي ليابس ورطب
لحوت ادهشر وهرب
هكذا حال لمدينة اتقلب
تحكي وناسها تبكي
الزجــال
العــربــي فـــرحــان
على حالها تحكي وناسها تبكي
كانت تتبهى بِنْقَى ولهنا
سميتها رمز و معنى
بِزينها لحروف تتغنى
بوصفها يتعنى
كانت في كل حي ودرب
للمة شورية
من راس تراس نية
قلوب سخية
ليد ع ليد تبرد لكية
ليوم تخَزَات ما بقات مزية
قطعات للولفية وأيامها خطية
تعيش فيها تحماق
نفس فيها تضياق
ما فيها ما تشتاق
إغرك ديكور وزواق
حتى لمحبة نفاق
طريق حفاري شق
للشجر قطعوا لعرق
اطيح شتا اتعرى لمستور
طرقان بحور
ابنادم ادور محصور
عادة خلاتنا للور للور
كثرات لحيوط ،ونظرة سجينة
في دروب اتحس بغبينة
الزبل في كل ركينة
فين ما سرحت عينك روينة
أُتقول كُدية زوينة
في كل زنقة ما تشوف أنقى
لوقار بين ناس ما بقى
غير الدوخة لِتَلْقى
لبسات لعقول درابيل لحمقى
اتلف لعقل في كل درب
إحَيَّح ،إجرح ويضرب
لقوي ع لضعيف يغلب
اخرج عينيه و ينهب
في لبحر تشوف لعجب
الرمل ، احجر وحطب
كل من زار يتعطب
الميكا في لعلالي
اتغطي ليابس ورطب
لحوت ادهشر وهرب
هكذا حال لمدينة اتقلب
تحكي وناسها تبكي
الزجــال
ليست هناك تعليقات:
إرسال تعليق