‎Nour Abouchama Hanif‎ 

******

حَلَبْ ... تحَلْبَاتْ
...
نبْتَات فْ كفِّي
شَلّا غُنّايَاتْ
اللّي انْثرهَا الضّْحَى
شفتْهَا ، بَاذْخةْ لُوشَامْ
واللِّي رْماها عَزّْ الظّهُرُ
فْ ظلّ لمْدِيح الرّاشقْ
هِيَ لْمدْحَاتْ
اللّي دَمّْها رْمَلْ
مْعَفْنَاهْ ملْحُو
واللّي رْمَادها فْ الْعَيْن
هِيَ الرّجْماتْ
هادِي نَبْتاتْ فْ الْمَا
وغَنّاتْ خْدُودْ النّعْمَة
وهادِي بْقَاتْ تَلْبسْ
حتَى تْعرَّاتْ
ختْهُمْ شْقيقَة
فْ الْهَمّْ عَايْمَة
وفْ عزّْ الْغَرْزَة
دَمّْ ؤُ دَمّْ ... ؤُ دَمّْ
تْحلْبَاتْ
...
نون حاء