وفين هدا الصوت
يالمسعمتوني
حلو ودنيكم سمعو ليا
راني اتهولت
المرحوم باطما الداتو الموت
العربي الغيواني
محمد لمشاهب
باطما اصلهم مسناوي
كلام موزون
توعية احزين
غناو على لقريب والبعيد
الصينية
فلسطين العربية
مجزرة صابرا وشاتيلا
ثرات فن تقاليد شعبية
لاننساو جيل حيلالة
الشمعة العيون عينية
شلا اغاني وطنية
ضاعت الحلقة في الأسواق
فاين هادوك الباق
القيطون الحمار الوثاق
من الجلد اشكارة
في ارجل هنكارة
لا شكي لا ادصارة
واه عليك ايامي اه عليك ياشبابي
امشات لأيام مع الملين الخيل
المالين الخيل خرجو لفعايل
في لموسم احجر الواد صايل
هدك الادهم في السربة جايل
فين ايامك ياسيد العربي
سد العربي البوهالي
سيدي قدور الشرفة اولاد امليك
القبايل كل عام ادبيحة ليك
مولاي عبد الله زين لماسم
صاد القبلة عندو تسع اشراجم
الزين العربي
والشلح بين عينيه واشم
اه عليك ياليام زدتني تخمام
امحاينك سربة
اتفكرني في سرب لحمام
لفرط في ثراتو واصالتو عليها يتلام
كن رجل كن اسبع
حلي ودنك اسمع
لعناية في الراس الكرش تشبع
شرجو الخيل
قبل مايروح اليل
النعاعسة راكبين
امكاحلهم امعمرين
ها لمقدم
لدهم جاي ويگدم۔
اضحك ماعندك اعلاش تخمم
بقلمي محمدالبراقي الحسناوي
ليست هناك تعليقات:
إرسال تعليق