Driss El Khayati

******

آه، عليك يا فلسطين
بلاد الانبياء و المرسلين
عزيزة وغالية على المسلمين
حيت اولى القبلتين
وثالث الحرمين الشريفين
ظلموك العديان
لي مافيهم امان
ؤخدلوك قومان
ومانفعوك غير بالخدلان
منهم لي باعك، وقبط الثمان
لا حد فكر في لولد الجيعان
او فخوه المسلم العطشان
لعبة انا ومن بعدي الطوفان
هادي هي اعمال الشيطان.
فين الابطال، فين الشجعان
لي نحتوا اصلهم بالبيان
باب المغاربة الفرسان
لي حاربوا ليهود
وما خانوا لوعود
ولا نكروا العهود
وعطاوا دروس في الصمود
الله يرحمكم يا الجدود
كنتوا صحاب نخوة وجود
كنتوا تآمنوا بالله المعبود
خرجتوا من ديوركم والحدود
بلا ضغط، بلا قيود.
ديروا بحالهم يا ولاد ليوم
دافعوا على القدس فكل يوم
ماتنساوها حتى فالنوم
حيت غادي اتحاسبوا عليها
في الوقت المعلوم
قدام الحي القيوم
باراكا عليكم من اتخمان و لهموم
انا في كلامي، تانهضر مع العموم
حاكم و محكوم
حيت ولينا في عالم مصدوم
ؤ بالخوف قلبوا ملغوم
تقول غير فيه بوزلوم
ونختم كلامي بصلاتي
على سيدي و نور حياتي
حبيبي و شفيعي،
من بعد مماتي
محمد المداوي آهاتي
وعليه سلامي و صلاتي

بقلم ادريس الخياطي