Mohamed El karroudi

من شحال هادي
سمحت فيها منورة
ماتلفت فيها
.
ما شاورتها وانا غادي
ولاوصيت روايحها لمعطرة
تشمني ليها
.
وعا لبارح
جاتني ك لحلمة فركادي
بانت لي لفرحة   مشورة
ولجرح على سيكان عوادي
مزكي خطاويها
.
نكول انا لخطوة اللولة
مالها مشربلة بعكادي
فيما نجي نفك فيها
.
تلوحني فوادي
ونرجع ثاني
نلقا لخيوط  مودرة
وكاع ريوس الكي
تخبلو فيها
.
وحتى لخطوة التانية
شحال تسنيت فيها
كان لونها رمادي
تسرسبات حباتها مدردرة
وطحت من مومو عينيها
.
.
احلام من خطوات الجمر