عبدالله التويس أبوفيروز

******

غير...... داوي
----------------------

اتّرخات لڭايْلة ف عين لغظبانة
واتشَبْحت لَرض دمعات
كانت اطيور ف اعلاها
اتْسڭي جناوح الدهشة
ولَمْشاورة تَنْفشْ / عش اضمانة
لغابة وتاد الظّلْ
واجبال عين لْعسّة
لوذنْ مشغولة
امْتَكْيّة على حافة / حفيانة
سارحة لغاشي على ربْعة
ولسان يتْبنّن ف اعڭُد لْكلْمات
اشعل لَغْوات تحت لبحر
خرجَت موجة بلا تبّان
ؤ فين تبان
لملاوطة ف كشكوشة لَعياط
لڭلب اقبر اسكات
طامر ف دمّو روضة / جيعانة
اترادْفَت انّغزات
وعين لْبْرا مشرومة
لغظبانة اترقّع خدود لوردة
لْخَيط بلا لوان
لكبدة بلا ارحام
لحرير كتّف الدودة
واسوايع تَرعى لعمر
ؤ ف صلاتها / زربانة
اتشَكّات لرض
من اثقل اڭعادي
وانايا ف تيهي غادي
نجمع شْتاتْ اشْتا
نفصّلها
ف حلق الرّملة جغمات
علّڭت ف عنڭ ضْبابة
ساروت لوَجْعَة لْعاڭرة
ارسمت مَذبح مْشلّلْ
لْهرجْ كولّو غابة
لموس كان عزري
واضحية كتاب مَوْلانا

البوهالي : 2018.01.24