بقلم الشاعرة مليكة الإدريسي

هاك شد
خود
اربح
خود كولشي
ياك الى مت... ماندي والو
ياك حتى سميتي... نخليها ليك
حتى كفني...  سمحت لك فيه
الى قدك... تغطى به
ياك ف قبر خاوي... غا دفنوني
هاك شد ...خود كولشي

====================
خلي لي... غير حروفي
دواية وقلم... يكفيوني
ندوي بها...مع راسي
نخرج بها ...لي بقى
من كلامي
خليني نعيش...
لي بقالي
ننساك... انت
ننسى... ايامك
====================
هاك  شد...
خود...كولشي
 بغيت غير...
ضحكت...عطيها لي
عطيني... راحتي
نعيش... ايامات
نشوف... الربيع
نشوف... اللوان
عييت... من لكحل
سير... بسلامة
نساني...

شاعرة بوابة الاطلس
لالة مليكة الادريسي
يوم السبت 21 يناير 2017