الميمة الحنينة
هديتي ليك ياالميمة
المرأة المغربية الكريمة
يالي عشتي في الجبال وكبرتي في الخيمة
رغم كل المعانات وجهك ماتفارقو التبسيمة
ياميمت الأولاد
كبرتينا وربيتي الأحفاد
وقفتي الخيام وتبتي الأوتاد
كنتي عوين للراجل في الحرث والحصاد
درتو يد في يد باش تصلح الغلة وتجواد
تقاسمتو الصبر وكبرتو الأولاد
هزيتي الحمل تقيل
ياما شقيتي بنهار وسهرتي الليل
ملي يكتر الهم عليك دمعك يسيل
تهزي كفوفك لله العلي الجليل
قريتي وزدتي ربيتي
وشحال من جيال علمتي
شمرتي على دراعك وخدمتي
شكون حس بعدابك أميمتي
أسرارك كتمتيها وفي قلبك خبيتي
هدمتي داتك شنو ربحتي
قاسيتي المعانات
وتحديتي كل الصعوبات
عطيتي في كل المجالات
ضحيتي بوقتك باش تحققي المعجزات
ضاعت أعوام من عمرك مشات
مفرحتي براسك في الأعياد والمناسبات
وااااه يا الميمة هاهي أيامك جات
تأسسو شلا جمعيات
فرحي وسعدي مع كل الميمات
المرأة هي الزوجة والأخت والأم
بلا بيها العالم يتهدم
بلا بيها العالم يتهدم
بقلم رضوان المنتصر السهامي 04/03/2018
هديتي ليك ياالميمة
المرأة المغربية الكريمة
يالي عشتي في الجبال وكبرتي في الخيمة
رغم كل المعانات وجهك ماتفارقو التبسيمة
ياميمت الأولاد
كبرتينا وربيتي الأحفاد
وقفتي الخيام وتبتي الأوتاد
كنتي عوين للراجل في الحرث والحصاد
درتو يد في يد باش تصلح الغلة وتجواد
تقاسمتو الصبر وكبرتو الأولاد
هزيتي الحمل تقيل
ياما شقيتي بنهار وسهرتي الليل
ملي يكتر الهم عليك دمعك يسيل
تهزي كفوفك لله العلي الجليل
قريتي وزدتي ربيتي
وشحال من جيال علمتي
شمرتي على دراعك وخدمتي
شكون حس بعدابك أميمتي
أسرارك كتمتيها وفي قلبك خبيتي
هدمتي داتك شنو ربحتي
قاسيتي المعانات
وتحديتي كل الصعوبات
عطيتي في كل المجالات
ضحيتي بوقتك باش تحققي المعجزات
ضاعت أعوام من عمرك مشات
مفرحتي براسك في الأعياد والمناسبات
وااااه يا الميمة هاهي أيامك جات
تأسسو شلا جمعيات
فرحي وسعدي مع كل الميمات
المرأة هي الزوجة والأخت والأم
بلا بيها العالم يتهدم
بلا بيها العالم يتهدم
بقلم رضوان المنتصر السهامي 04/03/2018
ليست هناك تعليقات:
إرسال تعليق