‘‘‘‘‘‘‘‘ايام ازمان ‘‘‘‘‘‘‘‘‘‘‘
عالم الفرجة
الحيط الي قدامي
حيرني اش (مخبي وراه)؟؟
وبديت انخبر
حار لعقل معاه
وبديت انفتش
انا باب ولا شرجم منو نطل
مشي غير افضول
ولكن ندي لخبار لقلب يرتاح
يتهنى اصيب مناه
وجدت اتقب اعلى قد العين
واسرح الشوف
ارتاح لعقل وصاب مناه
شفت الماضي وبهاه
وانا صغير
رجعت الذكرة معاه
بانت لي لمدينة لقديمة
ناسها ل لبساط ف عشتها
الخاطر هاني
القناعة تما توجدات
بانو لي جران
الجار اسال اعلى الجار
والدراري فالمسيد
تحفظ القرأن وتزيد المثون
(الجرهومية والالفية وبعظ لذكار
ووبردة و همزية وزمزورية واشعار)
يا حسرة ف زمانا تبدلت
تفقدات الجورة ما بقات
ونشوف صنايع فجيلنا ما بقات
هذا دراز لاخر قشاشبي وقفاطني
حتى خياط
والحلاق ردني لزمان الماضي
تصليعة رقايقي
ونمرا زوج ولا فريزي
يطرح السؤال
وبوجه مشروح
البسمة ما تفرق لوجوه
بدلت النظر
شفت نجار
بصنعتو ما يكل
كريسيات واصنادق وبيبان
فركات وقعدات لتصبين صايلات
وصلات لخبز وقرقبات الرجل
حتى قباب يعني اصطل
وحداد ماهر فصنعو
ومتعلم اصوت الكير
يطرق بمطرقة وسندان
سكات المحراث وقفال
وصفايح بانو معلقات
عيى لي النظر
لكن روحي تفجات
وقلت الحمد لله عشت هاذ الحياة
عالم الفرجة
الحيط الي قدامي
حيرني اش (مخبي وراه)؟؟
وبديت انخبر
حار لعقل معاه
وبديت انفتش
انا باب ولا شرجم منو نطل
مشي غير افضول
ولكن ندي لخبار لقلب يرتاح
يتهنى اصيب مناه
وجدت اتقب اعلى قد العين
واسرح الشوف
ارتاح لعقل وصاب مناه
شفت الماضي وبهاه
وانا صغير
رجعت الذكرة معاه
بانت لي لمدينة لقديمة
ناسها ل لبساط ف عشتها
الخاطر هاني
القناعة تما توجدات
بانو لي جران
الجار اسال اعلى الجار
والدراري فالمسيد
تحفظ القرأن وتزيد المثون
(الجرهومية والالفية وبعظ لذكار
ووبردة و همزية وزمزورية واشعار)
يا حسرة ف زمانا تبدلت
تفقدات الجورة ما بقات
ونشوف صنايع فجيلنا ما بقات
هذا دراز لاخر قشاشبي وقفاطني
حتى خياط
والحلاق ردني لزمان الماضي
تصليعة رقايقي
ونمرا زوج ولا فريزي
يطرح السؤال
وبوجه مشروح
البسمة ما تفرق لوجوه
بدلت النظر
شفت نجار
بصنعتو ما يكل
كريسيات واصنادق وبيبان
فركات وقعدات لتصبين صايلات
وصلات لخبز وقرقبات الرجل
حتى قباب يعني اصطل
وحداد ماهر فصنعو
ومتعلم اصوت الكير
يطرق بمطرقة وسندان
سكات المحراث وقفال
وصفايح بانو معلقات
عيى لي النظر
لكن روحي تفجات
وقلت الحمد لله عشت هاذ الحياة
محمد علي طهور
ليست هناك تعليقات:
إرسال تعليق