بالقلم نعبر على اﻷلم.
بسم الله نبدا لكلام
ونخرج من صدري هاد الزحام
شحال قدك تصبر
راه هموم الدنيا على الدوام
ودوام يتقب الرخام
والكلام لمسموم يرشي لعضام
بحال لي راكب عود بلا لجام
يطيح وﻻ يوصل بتمام
عييت مانكتم فقلبي
ونخمم تخمام
وحبست كلامي فجوفي
سنين و اعوام
وانا فقلبي هم
واليوم غادي نفتح قلبي
ونخلي لجراح تتكلم
غير لي مهموم بحالي
هو لي غادي يفهم
لمعنى وعلاش كنتكلم
................................
خالد حدادي
.................................
ليست هناك تعليقات:
إرسال تعليق