Toufik Rwicha

*****

قال ليها ك نبغيك
ك نحبك ونموت عليك
هبلتيني يا بنت الناس.
.
جاوباتو بشي كلام
ماهو عيب ما هو حرام
لكن في حذاتو رصاص
.
قالت لو تصنت واسمع ليا
تعرف دارنا او واليديا
خطبني منهم او ما فيها باس
.
جوابها واعرف ما يقول
قال ما قلتي غير المعقول
وكلامك على العين والراس
.
قصد والديه زربان
ينهج يلهت عركgان
خطبو ليا فلانة بنت فلان او لباس
.
لقى امو مع باه على سبة
جمعو شغلهم بالزربة
الفاكية والثمر والسكر مع اللباس
.
شدو طريقهم وكلهم نية
نية صافية باش يخطبو البنية
من عند امها وباها ويبنو الساس
.
وصلو باب الدار
والعزري هايم في الافكار
خلعة. فرحة. وسواس
.
دخلو ودارت الهضرة
خاطبين في بنتكم لولدنا امرا
من بعد لا حد في الاثنين يديه النعاس
.
دازت مدة ودارو العرس
الشطيح والرديح.. دكدك هرس
ولدو لولاد...ايناس ..الياس ..عباس
.
ومشات حكايتي مع لحكايات
تتعاود ذكرى من الذكريات
في صفحة من صفحات الكراس

.
توفيق رويشة