عيدك مبروك يا مرا....!
عيدك مبروك
يا اللي منك أم وأخت ومرا
الدم ما بينا مشروك
الجنة تحت اقدامك جنة خضرة
شحال شقيتي واخا الجهد منهوك
انت ف سمانا كمرة
حبي ليك يا مرا ما فيه شكوك
يطول ليك ف العمر ربي مول القدرة
عيدك مبروك
انت وحدة ما منك زوج ما منك عشرة
سهرتي وكبرتي والورد لازم فيه الشوك
حبك ويدان عالي كيف الشجرة
يا العالي أنا نرجوك
يطول ليك لعمار يا مي يا ختي يا مرا
يا هادو كولو ل هادوك
النسا شجرة تطرح ألف ثمرة
فيها الأم الأخت لمرا خوك أو بوك
هي الخير هي السترة
مبروك عيدك وألف مبروك
نبغيك ديما زينة النظرة
هشام بريطل
ليست هناك تعليقات:
إرسال تعليق