حكاية ولية
؛------------------؛
قالو لي الناس مال نارك ديما مگدية
ديما هازة راسك للسما
ؤ عند بالك غاتنجحي بين ضحى و عشية
بردي نارك و طفي جمارك
جاوبت و قلت يا ناسي سامحو ليا
يا ناسي بالرحمة روفو عليا
درتكم حبابي و قلت زعما تهزو بيا
ساعة ما رحمتوني و زدتو على ما بيا
ولكن جحودكم ما أثر فيا
بالعكس قواني و دار لي هدف بين عينيا
هدفي نحققو واخا يجرا اللي يجرا ليا
بغيت نوصل صوت المرا المغربية
و مستقبلي نبنيه بإيديا
و اللي ما يعرفني يزيد يتعرف عليا
أنا اللي وهبني الله لهاد الكون هدية
و لأهلي هنية و أجمل عطية
حارة و حرة.. أصلي شريف و من الكرامة مروية
ف العز كبرت و على الخير رباوني والديا
مثلت بلادي ف مخافل دولية
و رفعت رايتها بمؤهلاتي و خلفيتي الثقافية
ما يهمش أصلي عربية أو أمازيغية
شمالية.. جنوبية.. شرقية أو حتى غربية
ولا صحراوية بنت الثقافة الحسانية
نبقى بنت الدولة العلوية
و ف كلامي صرخة مرا مغربية
قلتو لي نبرد النار و نطفي الجمار ؟
أنا نقول و سمعو كلامي و صغاو ليا
الجمرة ما نطفيها راني بدفاها حية
جمرتي بالحق گادية و نارها شاعلة
عافية مدفونة تحت الرماد مخفية
و اللي قرب مني تكويه ناري كية
أنا بنت حواء لباسي مستور و نفسي عزيزة عليا
محافظة على حجابي و شادة فالقيم الأخلاقية
ما نرضى على راسي الذل
ولا نقبل ينعتوني الناس ب"الخطية"
محافظة على شرف المرا المغربية
فعالة ف مجتمعي نخدم و نحقق ذاتي واخا ولية
نزكي راسي بالآداب الاسلامية
نطيع مولاي و نخشاه و نطلب ليل و نهار نكون مهدية
و يحرصني العالي من كل شر و بلية
نبلغ مقصودي و غايتي و نهز رايتي بين ايديا
و بكلامي نوصل صرخة ولية
تقول أنا المغربية
؛_____________________؛
؛------------------؛
قالو لي الناس مال نارك ديما مگدية
ديما هازة راسك للسما
ؤ عند بالك غاتنجحي بين ضحى و عشية
بردي نارك و طفي جمارك
جاوبت و قلت يا ناسي سامحو ليا
يا ناسي بالرحمة روفو عليا
درتكم حبابي و قلت زعما تهزو بيا
ساعة ما رحمتوني و زدتو على ما بيا
ولكن جحودكم ما أثر فيا
بالعكس قواني و دار لي هدف بين عينيا
هدفي نحققو واخا يجرا اللي يجرا ليا
بغيت نوصل صوت المرا المغربية
و مستقبلي نبنيه بإيديا
و اللي ما يعرفني يزيد يتعرف عليا
أنا اللي وهبني الله لهاد الكون هدية
و لأهلي هنية و أجمل عطية
حارة و حرة.. أصلي شريف و من الكرامة مروية
ف العز كبرت و على الخير رباوني والديا
مثلت بلادي ف مخافل دولية
و رفعت رايتها بمؤهلاتي و خلفيتي الثقافية
ما يهمش أصلي عربية أو أمازيغية
شمالية.. جنوبية.. شرقية أو حتى غربية
ولا صحراوية بنت الثقافة الحسانية
نبقى بنت الدولة العلوية
و ف كلامي صرخة مرا مغربية
قلتو لي نبرد النار و نطفي الجمار ؟
أنا نقول و سمعو كلامي و صغاو ليا
الجمرة ما نطفيها راني بدفاها حية
جمرتي بالحق گادية و نارها شاعلة
عافية مدفونة تحت الرماد مخفية
و اللي قرب مني تكويه ناري كية
أنا بنت حواء لباسي مستور و نفسي عزيزة عليا
محافظة على حجابي و شادة فالقيم الأخلاقية
ما نرضى على راسي الذل
ولا نقبل ينعتوني الناس ب"الخطية"
محافظة على شرف المرا المغربية
فعالة ف مجتمعي نخدم و نحقق ذاتي واخا ولية
نزكي راسي بالآداب الاسلامية
نطيع مولاي و نخشاه و نطلب ليل و نهار نكون مهدية
و يحرصني العالي من كل شر و بلية
نبلغ مقصودي و غايتي و نهز رايتي بين ايديا
و بكلامي نوصل صرخة ولية
تقول أنا المغربية
؛_____________________؛
لبنى عرجان
ليست هناك تعليقات:
إرسال تعليق