عيد لكدوب:بقلم الاستاد شعيب صالح المدكورى

عِيدْ لَكْدُوبْ
...
گَالُو لْيُومْ عِيدْ لَمْرَة
هِيَ يَامْهَا كُلْهَا نْگَادْ
هِيَ الْحُبْ هِيَ رَّحْمَة
بِهَا بَاشْ تْكَاثْرَتْ لْعِبَادْ
هِيَ رْكِزَا وَقَتْ لْحَزَّة
لِ خْلَقْهَا شّرَّفْهَا ؤُزَادْ
جْعَلْ تَحْتْ قْدَامْهَا الْجَنَّة
هِيَ حْسَنْ تَقْوِيمْ لْجِيَّادْ
بِهَا يَلْقَى رّجَلْ  سْكِينَة
حبها ؤُعَشْقَهَا  مَكْيَادْ
وْجُودْهَا فِ دَنْيَا نَعْمَة
مَنْهَا تْخَلْقُو وْلَادْ ؤُحْفَادْ
هِيَ لَلَاة شْرِيفَة لْفَحْلَة
هِيَ صُمْعَة ؤُعَزْلَبْلَادْ
لاَ تْحَاوَلْ تَجْرَحْهَا بِكّدْبَة
بِ لَخْرَفَاتْ ؤُ نْشَادْ
واكلين حقوقها بجملة
ؤُدَفْعِنْهَا تَغْرَقْ فِ لْوَادْ
لْيُومْ جَايِنْ بْلَا حَشْمَة
طَبْلُوا وُتْقَلْدُو يُومْ لْمِيلَاْد
عِيدْ لَمْرَة كَدْبَة مْبَرْقَة
فَايَقْ بِهَا حْتَى تِيلَادْ
...

شعيب صالح المدكوري
تامسنا 08.03.2018