.......عيد المرأة.....
8مارس عيدك يالمرا
بحرفي جيت نبارك ليك....
انت من ف سمانا كمرةg
والعالم كلها زريعتو بيك....
ياك فيك جدة والاخت و لمرا
أو أم تولي الجنة تحت رجليك....
انت خالة وعمة وجارة
وغلتك ديما بالخير تعود عليك...
اليوم نهدي ليك وردة حمرة
ونطلب من الله هو يحميك....
أنت ف الدنيا شجرة خضرة
ومن الجمال ربي يعطيك....
انت الصبارة للوجع والقهرة
والراجل فيك ومنك وليك...
سمحي لي هاذ المرة
ما كنت موجود نكتب عليك...
لكن دركني عيدك يا لمرا
باش ما كان نبارك ليك.....
..........أحمد الناصري ......
ليست هناك تعليقات:
إرسال تعليق