سؤال يحير!!!

Samira Mohamed

******

بينما اتصفح مذكراتي وأوراقي ،وجدت هذه القصيدة الزجلية والتي كانت اولى محاولاتي الزجلية واحببت ان اشاركها معكم
العنوان:سؤال يحير!!!
من بعد ما قامت العراق،..
وحاربت بون نفاق،..
جيت نسألك يا العربي:
شكون اللي وضع القانون ؟؟
قانون العدل والديمقراطية؟؟
الهادف لسحق الانسانية!!
والمبني على الحقد والأنانية!!
البارح؟ كنا خوت؟!!
واليوم ؟! أصبحنا عديان!!؟
واخ المحبة، ماكانتش وديان!!
لكن ،كيف ماكان الحال، مزيان!!
واليوم،جيت نسألك يا خاي؟!
شكون لي خطط القانون؟؟
ياك ع الصهيون والمريكان!!
قانون الدم،والقر ، والطي!!
والفاهم يفهم ياخي!!
قالو: نقذوا الانسان!!
ما شفنا غير الهذيان!!
شفنا، وشفنا ،وشفنا ،..
شي عذبوه،وشي ساعدوه،!!!
شي جوعوه،!! وشي دعموه !!
شي دمروه،!! وشي ساندوه!!!
واليوم،؟!! الحق اصبح باطل...
والشهادة ،مع الخلق والقاتل!!
حلفوها ليهود قبل النصارى..
وفين مارحنا نوجدوا الامارة!!
فلسطين ، حاربت بالحجارة
العراق، هتفات ودمرات السفارة...
الأحلاف رسلوا جنود الدعارة!!
للقدس الشريفة، مكان الطهارة.!!
هيييه ياخي !!
حكينا وحكينا ووعينا!!
وانت يا العربي !!!
مازال تتأمل ،
وتقول : احنا ما سخينا!!
مات فلسطيني ...الله يرحمه!!!
مات اسرائيلي ... شكون لي قتله؟؟؟؟
هذا هو السلام الجديد؟!!
والعربي مازال العدو التليد!!
ليبيا، عليها الرهان!!
هذي حقيقة،.. ماتحتاج لبرهان.
هيييه ياخي ،...يا العربي.!!
امتى يجي اليوم؟!!
لي ينتظره كل انسان!!؟
يوم السلم والامان !؟؟
لي مانحتاجوا فيه سلاح..
وعلى حقوقنا،مانحتاجوا صياح...
يوم مافيه عذاب ،ولا تنواح...
يوم ليله منور بضي الصباح...
هيييه يا خي ، يا العربي.!!
امتى يجي يوم الفعل والقول،!؟!
سؤال يحير العقول!!!
سميرة بلفقير 30/07/1992