الواو والليف ....
مايفرز البا من الليف
ما يفرق الواو من الزرواطة
المسيد كان يدخلو غير بالسيف
للتزنديق كان يتعاطى
العلكة والسروال قصيف
يكول البلية غير سلاطة
القد مربوع واللسان اظريف
لكتاف بارد والعين نحاطة
الشبوق هو مولاه والمستقبل اكفيف
قمار صحيح السوطة عليه عياطة
بنات الحومة تقول منو يا لطيف
ما وقر قارية ولا خياطة
مزلوط الجيب خاوي انظيف
غداه وعشاه بطاط
مايفرز البا من الليف
ما يفرق الواو من الزرواطة
والليف كبر وطوال
تخربقات لحروف الواو مع الدال
عندو كلشي بحال بحال
الدنيا يا حسرة غير اهبال
تمشي ليها يمين تجيك شمال
ف الرزق ما يفرق مابين الحرام والحلال
اكلس عل الكرسي مرتاح البال
دايرين بيه ألف دلال و دلال
هذا يفتي هذا يشوي لكبال
ودوام الحال من المحال
سيدنا الليف مول الكلمة
ماتت فيه الحيا والحشمة
القلب ماتت فيه الرحمة
والزهر غير نصيب أو قسمة
والباقي انتوما عارفين شنو تما
هشام بريطل
ليست هناك تعليقات:
إرسال تعليق