****فين ايامك احلاق الحومة ......
تعودت مانعطي راسي
غير لي نثيق فيه
يقص الشعر والشارب
وينغمني بنسكافيه
يقلم لي الأظافر وعنقي
بإيد جافة يماسِّيه
حلاقة زمان نعمة فيها
كنا نْفُوْجُو ونشاركو
الحباب النغمة وف
كحل الراس نْدْوِيـوْ فيه
إيلا بغيتي الحجامة
قصد حلاق الحومة
يمَصْ ليك دمك بفْمُّو
ولأم كلثوم يغني بيه
إيييه يا زمان فين
يامك ملي كان الحلاق
طبيب ؤسمسار وحتى
الزواج مدخل راسو فيه
دابا حلاقة اليوم
ولات بالماجستير
والموس عوضاتو العافية
وبالشاقور ف الشعر يلعب فيه
ولَّى الكـْــلِيان يدخل يدير
لاسيغ يقاد اللحية
ومن خطوط الشعر
ماتودر ....ما تيه
هذا راسم جزيرة
ؤهذا علم المغرب
ولي من حبو لرونالدو
حطُّو ف راسو
وخلا الناس تفرج فيه
اليوم مجمع الحلاق ولى عيان
ملي البورطابل شغل المكان
مابقا كلام مابقا حكام
كلو حاني راسو يقلب فيه...
الله يسمح ليكم من حلاق زمان
ملي كنتي تشطر على درهم
ودير فيها حكيم الزمان
واليوم وليتي تحطها خضرة
بلا ندامة وتبعها بالبقشيش
هذا إيلا بغيتي الحلاق
يرضى عليك ويتهلا فيك
فوزية بوقريان
3/3/2018
غير لي نثيق فيه
يقص الشعر والشارب
وينغمني بنسكافيه
يقلم لي الأظافر وعنقي
بإيد جافة يماسِّيه
حلاقة زمان نعمة فيها
كنا نْفُوْجُو ونشاركو
الحباب النغمة وف
كحل الراس نْدْوِيـوْ فيه
إيلا بغيتي الحجامة
قصد حلاق الحومة
يمَصْ ليك دمك بفْمُّو
ولأم كلثوم يغني بيه
إيييه يا زمان فين
يامك ملي كان الحلاق
طبيب ؤسمسار وحتى
الزواج مدخل راسو فيه
دابا حلاقة اليوم
ولات بالماجستير
والموس عوضاتو العافية
وبالشاقور ف الشعر يلعب فيه
ولَّى الكـْــلِيان يدخل يدير
لاسيغ يقاد اللحية
ومن خطوط الشعر
ماتودر ....ما تيه
هذا راسم جزيرة
ؤهذا علم المغرب
ولي من حبو لرونالدو
حطُّو ف راسو
وخلا الناس تفرج فيه
اليوم مجمع الحلاق ولى عيان
ملي البورطابل شغل المكان
مابقا كلام مابقا حكام
كلو حاني راسو يقلب فيه...
الله يسمح ليكم من حلاق زمان
ملي كنتي تشطر على درهم
ودير فيها حكيم الزمان
واليوم وليتي تحطها خضرة
بلا ندامة وتبعها بالبقشيش
هذا إيلا بغيتي الحلاق
يرضى عليك ويتهلا فيك
فوزية بوقريان
3/3/2018
ليست هناك تعليقات:
إرسال تعليق