(يارجال )7/3/018
سمعو يارجال
واش يعجبكم هاد لكلام
على الاخبار
قالت المرأة هازة الدار
كلامي ليها
واش اعرفت الرجالة
مايخدموهمش
تيديرو النقابة
الدليكي سير واجي
اتسد لوزين دير محامي
الراحة لكرا مصروف ادراري
اتبع النقابة نقباتو
اتحزمت امراتو
خدامة عليه وعلى اولداتو
تخدم اتهز الهم
في حقوقها ماتخمم
تصبر مايطلع ليها الدم
ماتطلب حقوق
همها مصروف السوق
مادير نقابة
ولا مظاهرة يالرجالة
تخدم تزيد ساعة
وانت يالراجل
لحلاقمهم واحل
على الدرب مواصل
الرجل
في هدا العصرحاصل
المراة صابرة
اشكون المسؤول
يا اهل لعقول
النعاس اواكل الفول
ادخول الربيع
احصريرة ماهي زربية
ماهي قصرية
طبسيل ابديع
بقلمي محمدالبراقي الحسناوي
ليست هناك تعليقات:
إرسال تعليق