بارك من شوفة تسوس العواد
بارك من العناد
أنا وحدة من العباد
أختك في الله وبنت البلاد
بارك علي من الهتوف
تتغزل بالنظرة والحروف
في عينك يجري دم لفساد
تجاوزت الحدود
ما رعيتِ لمعبود
أنا أختك ف الله
ما أنا عين جارية
تطفي نار الديب هواه
ولا خفيفة ريح لجا إحملها معاه
لا ترمني بكلام العار مقواه
ولا توشمني بصورة شينة
تنطق بها الفواه
لا تغرس في ذاتي شوفة
حد من سيف في مضاه
أنا أختك في الله
الشريفة وشرفي ما غلاه
قلبي بالإيمان ،ربي إرعاه
بالعز والكرامة حاضياه
لا تحكرني وتقول ولية
اتسبني بالضعف
وتعاملني بالعنف
وتطمع ف لولف
لي ف عينك نقراه
نعرف لونك معناه
قلبك وجواه
غيير الشوفة
اترزن وطفي نار
الشهوة لفيك تكدي
دير إيدك في يدي
كون عوني لا تكون ضدي
تحزم بالنية وعطني لمان
صون عهدي ف الحلال
إكمل سعدي انجمعوا
الشمل وِقوى جهدي
أنا أختك ف الله
العربي فرحان
ليست هناك تعليقات:
إرسال تعليق