..........‘‘‘احوار مع الذات‘‘.........
جا واحد النهار وكلت
نتشاورمع ذاتي
ندير لي في بالي
ولا نسرح نجوم هبالي
نولي كيف المهبولة
ونتيه مع حماقي
ونرحل كيف المجدوبة
ونهتهت في كلامي
نلبس دربالة وهنكارة
ونديع في الزناقي
نترزق من هتافي
ونشرب من لحفاري
نتقوت بشدگ الخبز
ونخلصو بدراهمي
لربحتها بلساني
شداتني ذاتي ونتفاتني
من راسي
وشتماتني بالمعاني
وقالت لي
اش باغا تعملي يا مهبولة
سيري تكمشي ولعقلك رجعي
وكوني رزينة كيف كنت
هاذ الدرب ما هو من سومك انت
نعام نظمي حرفك من نبضك
وكوني نت
كوني مولات العقل كيف كنت
ودخلي لجواك راك حرة
وجمعي جلايل روحك انت
.........بديعة الادريسي........
جا واحد النهار وكلت
نتشاورمع ذاتي
ندير لي في بالي
ولا نسرح نجوم هبالي
نولي كيف المهبولة
ونتيه مع حماقي
ونرحل كيف المجدوبة
ونهتهت في كلامي
نلبس دربالة وهنكارة
ونديع في الزناقي
نترزق من هتافي
ونشرب من لحفاري
نتقوت بشدگ الخبز
ونخلصو بدراهمي
لربحتها بلساني
شداتني ذاتي ونتفاتني
من راسي
وشتماتني بالمعاني
وقالت لي
اش باغا تعملي يا مهبولة
سيري تكمشي ولعقلك رجعي
وكوني رزينة كيف كنت
هاذ الدرب ما هو من سومك انت
نعام نظمي حرفك من نبضك
وكوني نت
كوني مولات العقل كيف كنت
ودخلي لجواك راك حرة
وجمعي جلايل روحك انت
.........بديعة الادريسي........
ليست هناك تعليقات:
إرسال تعليق