مغاربة واليد في اليد العاهد
المغرب ارضنا وارض اولادنا
بروحي وعمري نفديه
ملكنا عزيز و غالي
حفظو ياربي و خليه
مغربي يا مغربي
انت خويا و حبيبي
حبك ساكن قليبي
مغاربة رجال و نسوان
شيب شابات وشبان
نحميو هد الوطن
من لخصام و شر الفتن
اليد في اليد العاهد
و الله علينا شاهد
نتعاونو اليوم و الغد
نخدمو بلادنا بالجد
نشمرو على لكثاف
نخدمو مدن قرى و أرياف
نحميو نصونو لبلاد
من الحاقدين و الحساد
عليها ضحاو لسلاف و لجداد
بالغالي و الرخيص ولكباد
حتى حقو لينا المراد
مغربي يا مغربي
انت خويا و حبيبي
اليد في اليد نعطيو العاهد
نصونو لبلاد وربي علينا شاهد
كلمات الشاعر الغنائي
لحسن بوعاد
ليست هناك تعليقات:
إرسال تعليق