Alim Abd

***

عاشورا
خلينا الدين وشدينا لقشورا
المنكرات ف كل مكان
والجيران ولاو عديان
وقلنا نحتافلو بعاشورا 
بدرو الما وقالو زمزم
حتى بدا لخصام وسال الدم
بسباب لميها لمقدورا
للي درنا ماجا بيه دين
فين لسؤولين والوالدين
لعوافي ولقنابل منشورا
متعادين بلا سباب
مذلولين كي تراب
وكل الناس مضرورة
يسحرو ما عليهم حكام
ف لمقبرة يكثرو الزحام
و يقولو عيشتنا مقهورة
هاد اشي ف الدين حرام
عاشورا يوم الصيام
و فين لخاوا فين الجورا
دينا ما تعلمناه
وليدنا ما ربيناه
وكل أوقاتنا مهدورة
عبد الله عليم