‎فاطنة جليدي الشاعرة‎.

***

يااغزالي
اعليك نغني موالي
فين تصيب ابحالي
بايع ليا اشبابك غالي
يااهلالي
حس ابحالي
ونس شمعتي
لا تخليها تطفى لي
ونسني ونس لقليب
فكر وحس ابحالي
يااغزالي
امعاك اسهرت ليالي
اخيالك ما يفارق بالي
شوف بعين الر حمة
راك اعزيز شأنك عالي
يا اغزالي
العطفة اعذاب
إلى دقت نفتح الباب
لقليب يسول عيني
فين راح عز الاحباب
تجاوبو دمعة فضاحة
تقولها بكل صراحة
خايفة يكون لحبيب كذاب
يااغزالي
سؤال ما يفارق بالي
واش حتى انا عندك غالي
ولا الحب عندك امسالي
الحقيقة قولها لي
حلفتك بالله الوالي
انا ملكك واش انت ديالي
بركة يكفي من لعذاب
ابغينك اتكون احلالي