بغيت حرفي نكسكسو وحدي.
ما يخدو حد بعدي
وخبزتي عجينتها
نديها لفران حومتي
وقصيدتي راها وجع رحمي
واش شي حد توحم فيها
غير نبضي
ميمتي فينك را داو لي ولدي
اويلي خطفوه
وانا كيف ندير بلا بيه
هو مومو عيني
ناري. لي داه حتى لدار
الحق
دبا نعطي نهارو. ونعدد
ميمتي كيف نعمل وهاذ لحمل واعر
فين هو دراعي باش نخمل
وندگ لوتاد. ونزرد
تلفات الرحى وبقيت نخمم
واش ندور حريرتي ولا نفور
حتى لقفال توضر
بان لي نوجد غير شي براد مشحر
نرد بيه مجاج دماغ
وندوزو مع شي شدگ لمحراش
باش لقصيدة ما تطلع في الراس
ما يخدو حد بعدي
وخبزتي عجينتها
نديها لفران حومتي
وقصيدتي راها وجع رحمي
واش شي حد توحم فيها
غير نبضي
ميمتي فينك را داو لي ولدي
اويلي خطفوه
وانا كيف ندير بلا بيه
هو مومو عيني
ناري. لي داه حتى لدار
الحق
دبا نعطي نهارو. ونعدد
ميمتي كيف نعمل وهاذ لحمل واعر
فين هو دراعي باش نخمل
وندگ لوتاد. ونزرد
تلفات الرحى وبقيت نخمم
واش ندور حريرتي ولا نفور
حتى لقفال توضر
بان لي نوجد غير شي براد مشحر
نرد بيه مجاج دماغ
وندوزو مع شي شدگ لمحراش
باش لقصيدة ما تطلع في الراس
***
بقلم بديعة القضيوي الادريسي
ليست هناك تعليقات:
إرسال تعليق