حسيت بقلبي
مفزوع
مخلوع
في عيني دموع
مفزوع
مخلوع
في عيني دموع
بعد ما شفت
خير وسلام
حلمة وانا صاحي
ماشي في المنام
نكتبها ليكم حروف
نحكيها كلام
.
كنت غادي
في طريق طويلة
مظلامة
.
بان ليا شي غاشي
قدامي ماشي
وسط ضبابة او دخان
اوغيامة
.
مرة يزيد مرة يوقف
دخلني الشك
بديت نرجف
عيني ترفرف
ياربي السلامة
.
بديت نرعف
دمي ينزف
نسمع اصوات غريبة
منها البعيدة
ومنها القريبة
والذياب ليا تتراما
.
رياح قوية
شرقية وغريبة
والشتا تصب عليا
وتمنيت لو غير شويا
من ديك الفهامة
.
من ديك الزعامة
اللي كانت فيا
باش نعرف داك الغاشي
اللي ما همو اش جاري ليا
.
قريب ما هو بعيد عليا
لكن يا خسارة
راحت الانسانية
وطغات الانانية
والحلمة ما شي هاد هيا
هادي قصيدة خيالية
على حكاية واقعية
بين البلدان الاسلامية
.
فين الحكاما
فين العلما. ء
فين العروبة
فين الكرامة
فين الشهامة
فين السلامة
شكون يشد بيد داك العمى
شكون يحن في دوك اليتامى
اما اللي ماتو ندعو ليهم بالرحمة
حقهم عند الله يوم القيامة
.
وجميلنا في الاخبار
كل ساعة
كل ليلة كل نهار
النهب والدمار
القتل الاحتلال الاستعمار
اخبارنا في العالم
في كل مدينة
في كل دوار
في جميع الاقطار
.
فين الحلول
باركا من الافكار
ماشي معقول
وقتاش تطفى هاد النار
عار يا امة عار
صبيان صغار
نسا ورجال
شيوخ كبار
امجاد وتاريخ
وحضارات تنهار
.
هذا انا اللي في الحلمة
ديال الظلمة
.
وداك الغاشي اللي في الضبابة
او الدخان او الغيامة
.
هو داك الفاهم
داك العربي المسلم
داك الي شاف خوه يتالم
اسكت ما تكلم
ما حن قلبو ما ارحم
داك اللي ظن روحو معلم
داك بنادم اللي يطلع الدم
داك اللي اعطاني بالقفى
ومازال ما احشم ماندم
ما همو حالي ما قال هذا ظلم
.
بقلم توفيق رويشة
ليست هناك تعليقات:
إرسال تعليق