Driss Hesni

***

.......المرأة.....

گالو المدرسة وتقري الشعوب
وحب لولاد عندها ماشي لعوب
تربي وتعلم وتحضي وسط الدروب
كيف ماكان الولد كيبقا ديما محبوب

حبها للولاد من حبها لبلاد
وطمعها يكبرو متعلمين يوليو سياد
يرفعو روسهم ويكونو أناس اجواد
ويكونو مشرفين وشرفو لبلاد

تسكت الباكي وتهدي الغضبان
وتسمع للشاكي وترشد الثيهان
وتعطف عليهم كاملين وبلأخص العيان
وتسهر عليهم حتى لفجر يبان

مرادها يكبرو فالحين ناجحين
وغرضها يوصلو ويكونو فايزين
فاهمين لمعنة ديال الدنيا والدين
ومع أهلهم وحبابهم وجيرانهم متماسكين

لمحبة عندها بلا شروط ومالها حد
وعطفها ورحمتها ولا غيرها عليها تقد
صابرة لمصايب ولمحاين مايقد عليها حد
والجنة تحت قدامها وربي ليها شاهد
القلم.. driss hosni NASS El GHAYA