النافورة:
...
وسط الساحة
قبالة العمالة
المكانة تكتك g
والناس تضحك
دايرين بالنافورة
ماها شرشورة
الحمام يعوم
ويتسابق ياخذ صورة
مع الوليدات الصغار
وهما يجريو من وراه
فرحانين بالتذكار
يطير ويحط
والحب معانق الحب
كيف الى ف الشط
والمايطلع للسماالفوووق
و عيون منوعة الالوان تشووووف
والناس فرحااااانة بالمنظر
وشي للمطر يطلب الله وينتظر.
سمعت واحد مع جماعة كيهدر
قال :تصورو معاي المنظر :
هاذ النافورة ف زاكورة
"" كن المرا ف بيتها مسرورة
بعدما كانت محكورة g
تظل تدور ف الدشورة
تبحث على جغمة الماء
تبلل بها الحنجورة .
وتكون الفتاة وخوها ف المدرسة
و العناية الإلهية ليهم حارسة ""
جاوبوه الدراري:
"الما ف الجرادي
يشرشر وادي
والكازون تلكولف g
ويدان تضيع ف مياه الصرف"
هادشي معروووف
الضياع كاين
وكولشي كيشووووووف
آلله يهدينا
نفكرو ف خوتنا
وباللي الدهب الازرق
غادي وكاينفق
به الحياة تدفق
وبانعدامو تموت ولا تلحق.
"" اللهم اسق عبادك وبهيمتك وانشر رحمتك واحي بلدك الميت"
...
عمر بنحيدي 16/11/2017
ليست هناك تعليقات:
إرسال تعليق