بقلم الاستاد شعيب صالح المدكورى

لْعَزْ ؤُ طُزْ
...
فَكَّرتْ بْلَا عْگَزْ
فٍ مْعَانِي بْلَا رَمزْ
اِلَا اِكُونْ فِيكْ لْفَزْ
تْسَمْعُو ؤُ تَقْفَزْ
اَدَاكْ لْمَعَرَّگْهَا خُبزْ
غِيرَكْ شَبْعَانْ وَزْ
مَرْمَدْ فِ لْعَزْ
ؤُ بِ خِيرَكْ تْهَزْ
اِخَيَّطْ ؤُ يَطْرَزْ
اِخَطَّطْ كِيفْ يَحْرَزْ
بَاشْ يَسْرَقْ لْكَنزْ
ؤُ انْتَ فِيكْ يَغْرَزْ
مْشَاهَبْ بَارْدَة كَزْ
فِ كَسْدَتَكْ يَهْمَزْ
مَ تْحَطْ مَ تْهَزْ
فْهَمْ اَبْنَدَمْ ؤُ مَيَّزْ
لْمَبْلِي تْشُفُو يَغْمَز
بِينْ دْيَابْ مَ تْفَرَّزْْ
وَجْهُ كَمَّارَتْ لْعَنزْ
سْمَعْ يَاَدَاكْ ؤُ رَكَّزْ
گْبَلْ مَ تَصْبَحْ خَزْ
اِصَرْفُوكْ تَكْيَالْ طُزْ
...
شعيب صالح المدكوري
تامسنا – المغرب –
04.02.2018