لا طالب لا مطلوب
لي طابت ليا نطيب ليها
ولي ما طابت نمشي ونخليها
ياك غا دنيا ......ؤ مع الناس
عايشين فيها
عايشين فيها
هدا حال لغريب لبراني
لا طالب لا مطلوب
افهم يا غشيم قوافيها
افهم يا غشيم قوافيها
ياك غا دنيا ؤ كلشي
عاااااااااااايش فيها
عاااااااااااايش فيها
و گلوب صبارة
والصبر معدود ليها
والصبر معدود ليها
لمحبة وحدة
والخير مزروع فيها
والخير مزروع فيها
ما جات بجهالة ...
راه الخالق عالم بيها
راه الخالق عالم بيها
هدا حال البراني
ؤ لغريب مگزور فيها
ؤ لغريب مگزور فيها
ما كسبنا جمال
ؤ ما كيلنا ف شواريها
ؤ ما كيلنا ف شواريها
هي سوق عامر خاوي
والداخل مفقود فيها
والداخل مفقود فيها
سوق الدلالة هدا يا فاهم
البايع خاسر فيها
البايع خاسر فيها
والشاري ايخمم ف شواريها
هيا دنيا ولعبنا ف زناقيها
عليها لا تحرن... كيل ما تخزن
حالها فاني لا تندم عليها
حالها فاني لا تندم عليها
كون كان الحال ايشاور
عل لكثاف نسگي ليها
عل لكثاف نسگي ليها
بقلم : محمد زرواني
ليست هناك تعليقات:
إرسال تعليق