بقلم الاستاد حميد النكادي

اختار الصاحب
 مول النفس الحره
كالسمن الحار
 يزيدك  فالطعام لذه
 لكلام بالمعنى
 لعناية شأن اوهمه
ياخد بديك
 يوريك طريق الجنه
الى ضاقت بيك
 تلقاه الاول تمه
مايغر ما يخدع
 ما يبيت ليك ضغينه
الى غبتي هو
 يحرس ليك السفينه
اختار الصاحب
فزمان  بلا هيبه
الديب فيه هارب
 من خيال النعجة
ولي عجبو رأسو
 يحسنوهلو بالزربه

اختار الصاحب
 وكون ديما وأكض
حل عينيك وبق
عل القرص قابض
عنايتك في راسك
ماتبقاشي حابض
كالعتوكة هادا
طالقك و هادا قابض
زمان تبدل
رد البال وكون موكض
حميد النكادي 09/02/2018