شاعرة بوابة الاطلس للا مليكة الإدريسي

واش يا  الخاوة... نهار موتي
    تقدر دموعك... تمسح دموعي...
         تقدر دق بابي... تعزي ولادي...
              تقدر تلحن بالموال...كلام حروفي.

واش يا الخاوة...نهار موتي...

        ترضى تعزي فيا ناس غراب؟
            عمرو مكانك لي كان خوى
                تقدر تسمع كلمة شكون انت؟
                  هادي كانت مقطوعة من شجرة
                         فين كونتي شحال هادا؟
                           جيتي اليوم  تفرق التركة؟
                               ولا تمثل   حب الخاوة؟

لا لا يالخاوة
        لا تشري لي كفن...
           لا تهزني عل الكتاف...
             و لا  تزو

ر  قبري...
                  لا تحضر عزا...

ولادي يا الخاوة
      قادرين عل البكا...
         قادرين ع الكفن و العزا...
              علمتهوم حق الخاوة ...
               مايفرقوهم ولاد ولا نسا...
                   علمتهوم يبنيو الساس...
                        علمتهوم يد وحدة...
                               ما يكثرو هضرة.

يوم السبت 17 دجنبر 2016
لالة مليكة الادريسي